Kearl
A-j nooit ‘s op de bek goat, nooit ’s dreks weer op stoat
A-j altied reert öm hulpe, Wat bu-j veur kearl?
Ik höbel, ik vrampel, ik struukel, ik val an de grond
Moar ‘k doe ‘t, ik kan ‘t, ik wil ’t met schoem op de mond
Ik denke, ik vuule, ik twiefel, is dit ‘t weerd?
Moar dan schut mien binnen, d’r ‘s eigenlijk niks dat mien deert!
Wat bu-j veur kearl?
A-j nooit ‘s op de bek goat, nooit ’s dreks weer op stoat
A-j altied reert öm hulpe, Wat bu-j veur kearl?
Wat bu-j veur kearl?
Ik fluuster, ik proate, ik rere, ik loat mien goan
Dan denk ik, wie bun ik, wat kan ik, zut iemand mien stoan?
Ik wet ‘t, ik wil ‘t, moar toch maak ik mien völs te druk
Geen oordeel, geen mening, nee niemand brech mien van mien stuk!
Wat bu-j veur kearl?
A-j nooit ‘s op de bek goat, nooit ’s dreks weer op stoat
A-j altied reert öm hulpe, Wat bu-j veur kearl?
Wat bu-j veur kearl?
As een hoge boom, die zien dreumen vangt
Weas oe eigen wind die zich eiges dankt
‘t Maaiveld is woar mangs de zeise zwae-jt
Wie nooit ‘s wat probeert wet ok niet wie der mae-jt
Wat bu-j veur kearl?
A-j nooit ‘s op de bek goat, nooit ’s dreks weer op stoat
A-j altied reert öm hulpe, Wat bu-j veur kearl?
Wat bu-j veur kearl?