Brekkebuuls
Kiek ik noar de wereld van vandaag de dag
Dan kömp in mien ‘ne woede op en vuul de volle kracht
Want op onzen eerde dreajt ‘t neet zo best
Wi-j maakt d’r joa ‘ne bende van….
En verspreidt ons as de pest!
Ie heurt mangs wal zeggen, de vreggen hebt de helft
Moar ik vroage mien dan af, heb ie wal goed ‘e telt?
Want as ik um mien hen kiek, dan zie’k wat anders toch
Wi-j bezit de ganze eerde….
En benemt onszelf de locht!
Brekkebuuls, griept d‘r noar!
Wilt ‘t vatten met geweld
Moar langs die weage krie-j ‘t neet, ‘t is neet ‘t getal dat telt
In ons harte brendt een lecht, da-j neet doven könt
Denne vlamme vuurt ons an….Punk’s neet dood mi-j duch!
Kiek ik noar de himmel, dan word ik niks gewoar
As wolken veur de zunne, de nachten valt mien zwoar
Zo’k de hop verliezen, of hol ik ‘m juust vast?
Geerne wi’k geleuven….
Dat er bettere tieden wacht!
Ik heure oe wel zeggen, ‘t is neet gedoan
Wi-j hebt joa toch de leste tied ons best ‘doan veur ‘t bestoan
Zal ‘t genog weazen, of bunne wi-j te laat?
Wi-j hebt neet völ ‘edoane….
En heb völs te løg ‘eproat!
Brekkebuuls, griept d‘r noar
Wilt ‘t vatten met geweld
Brekkebuuls, griept d‘r noar
‘t is neet ‘t getal dat telt
Brekkebuuls, griept d‘r noar
Lecht da-j neet doven könt
Brekkebuuls, griept d‘r noar
Punk’s neet dood mi-j duch!
Brekkebuuls, griept d‘r noar!
Wilt ‘t vatten met geweld
Moar langs die weage krie-j ‘t neet, ‘t is neet ‘t getal dat telt
In ons harte brendt een lecht, da-j neet doven kunt
Denne vlamme vuurt ons an….Punk’s neet dood mi-j duch!